Некеге тұру
Некеге тұру, өтініш берген уақыттан бастап, бір ай өткеннен кейін жүзеге асады. Ерекше жағдайларға байланысты (жүктілік, баланың туылуы, өмірлеріне қауіп төнсе және басқа жағдайларға байланысты) некеге өтініш берген күні тұруға болады. Некені тіркеу Қазақстан Республикасы Әділет Министрлігінің азаматтық хал актілерін жазу (АХАЖ) органдарымен ҚР«Неке және отбасы туралы» Заңына сәйкес және Азаматтық хал жағдайды тіркеу тәртібі туралы Ережелерге сәйкес жүзеге асады. Қазақстан Республикасы Үкіметінің 1999 жылғы 22 мамырдағы № 620 қаулысымен бекітілген, Қазақстан Республикасындағы азаматтық хал-актілерін тіркеу тәртібі туралы ереже Некеге тұруға қай кезде рұқсат беріледі? Некеге тұруға он сегіз жасқа толғаннан соң рұқсат беріледі. Дәлелді себептерге байланысты, ата-аналардың немесе қамқоршының рұқсатымен мемлекеттік тіркеу орнына байланысты азаматтық хал актілерін жазу органдары неке жасын екі жылға төмендетуге құқықтары бар. Ол үшін төмендегі құжаттарды беру қажет: егер де тілек білдірушілер 18 жасқа толмаған болса: ата-аналардан қолдаухат және неке жасын төмендету үшін өтініш; кәмелетке толмаған жастардың ата-анасының рұқсаты. егер де күйеу жігіт - 18 жаста болса ал, қалыңдық – 18 жасқа толмаған болса: күйеу жігіттің неке жасын төмендету туралы қолдаухаты; кәмелетке толмағандардың ата-анасынан рұқсат қағаз. күйеу жігіттің немесе қалыңдықтың ата-аналарының біреуі бақилық болған жағдайда күйеу жігіттің неке жасын төмендету туралы қолдаухаты; кәмелетке толмаған жастың ата-анасынан рұқсат қағаз; ата-ананың өлгені туралы куәлік егер де қалыңдық жүкті болса: күйеу жігіттің неке жасын төмендету туралы қолхаты; кәмелетке толмағандардың ата-анасының рұқсат қағазы жүктілігі жөніндегі анықтама. Қандай тұлғаларға некеге тұруға рұқсат берілмейді? Некеге тұруға рұқсат мына жағдайларда берілмейді: өтініш берген тұлғалардың біреуі, басқа азаматпен (азаматшамен) некеде тұрса тікелей туысқандарға (әке-шешесі бір ағалары мен әпкелері, ата-аналары мен балалары арасында, ата-әжесі мен немерелері арасында) асырап алушылар және асырап алынғандар арасында тұлғалардың біреуінде психологиялық науқасқа байланысты әрекет етуге қабілетсіз деген соттың шешімі болса. Неке туралы куәлікті алу үшін қандай құжаттар қажет? Куәлікті алу үшін азаматтық хал актілерін жазу (АХАЖ) органдарына мына құжаттарды беру тиіс: азаматтарды тіркеу кітапшасын (үй кітапшасын, мекен-жайлы туралы анықтама); некеге тұру туралы өтініш; жұбайлардың жеке басын куәландыратын құжаттардың түпнұсқасы; жұбайлардың жеке басын куәландыратын құжаттардың көшірмесі; мемлекеттік баж салығын төлегендері жөніндегі түбіртек Мемлекеттік баж салығының құны, бір айлық есептік көрсеткіштен – 30 %, 309 теңге. Көрсетілген баж салығын Қазақстан Республикасының Халық Банкінде төлеу қажет. Ақпарат көзі: е-gov.kz\Жанұя\ Некеге тұру
